Ospitaletara autobusez joateko aukera, gaurtik

Ospitaletara joateko aukera izango da, gaurtik aurrera, Garayar autobusa hartuta. Garayarrek linea berria jarriko du martxan, G-3 izenekoa, eta astelehenetik larunbatera eskainiko du zerbitzua. Andoaindik Ospitaletara bidea egingo du autobusak, eta tartean Urnieta eta Hernanitik pasako da. Andoaindik datorren lehendabiziko autobusa 07:32an pasako da Hernanitik; azkena 21:32an. Ospitaletatik, lehenengoa 08:15etan abiatuko da; azkena 22:15etan.