Labaien torneoa Hernanik irabazi du, nahiko erraz, eta joku ona erakutsita. Torneo triangularra izaten da Labaien torneoa, eta hiru taldeek elkarren kontra jokatzen dute. Hernaniarrek jokatutako bi partiduak irabazi zituzten joan den ostegunean.
Bitik bi
Lehendabiziko partidua Real Sociedad eta Añorgaren artekoa izan zen, eta Realak irabazi zuen, 1-0. Bigarrena Hernanik eta Realak jokatu zuten, eta hernaniarrak nagusi: 1-0. Realari irabazita, hernaniarrek gogoz ekin zioten Añorgaren kontrako eta torneoko azken partiduari, eta 2-0 irabazi zuten.
Torneo bukaeran, Labaien familiak torneoko jokalaririk onenaren saria eman ohi du urtero, eta aurten Hernaniko Joseba Martinez jokalariak jaso du saria.