Mendizabal II eta Olaizola II bigarren txapelaren bila

Kronika - Erredakzioa 2010ko urt. 3a, 01:00

Oier Mendizabal eta Aimar Olaizola bikote izango dira, hirugarren aldiz jarraian, binakako pelota txapelketan. Asegarceko bi pelotariek mai­­la haundia eta erre­gu­lar­tasuna, azaldu dituzte azken bi txapelketetan, bietan fina­lean izan baitira: lehenda­bizikoa irabazi egin zuten, eta iaz, tanto bakarragatik galdu zuten txapela. Aurten ere faborito dira askorentzat. Txapelketa urta­rrilaren 6an da hastekoa, Berasaluze VIII-Begino eta Gonzalez-Laskurainen arteko partiduarekin. Hernaniarrak eta goizue­ta­rrak urtarrilaren 10ean dute estreinua, Titin III eta Pascualen kontra.

Berrikuntzak: Kiroltasunari saria, eta sakez pasa bakarra
Aurtengo txapelketak bi be­rrikuntza nagusi izango ditu. Batetik, kiroltasun gehien azaltzen duen pelo­tariari sa­ria emango diote. Bestetik, sakean aldaketa izango da. Hemendik aurrera, pasa egi­tea, falta izango da.

ASEGARCE:
Olaizola II-Mendizabal II
Olaizola I-Patxi Ruiz
Bengoetxea VI-Beloki
Berasaluze VIII-Begino

ASPE:
Titin III-Pascual
Mtz. de Irujo-Beroiz
Xala-Zubieta
Gonzalez-Laskurain

Txapelketako sistema:
bi bueltako finalaurdenetako liga bat. Lau onenak finalaurrekoetako ligaxkara.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!