DENBORALDIA kaxkar xamar hasi bazuen ere Hernanik, urte bukaera ederra eman dio. Asteazkenean, Aurrera de Ondarroa liderraren kontra jokatuko zuen, Zubipen. Taldea gogotsu, indartsu agertu zen partiduko aurreneko minututik, eta etxean hilabeteko bigarren garaipena lortu zuen. Partidu zaila izan bazen ere, txuri berdeek aurrera egin zuten bukaera arte eta 2-1 irabazi zuten.
Urte bukaera bikaina, sailkapen atzekaldetik
goi postuetara
Abenduan jokoan izan diren 12 puntuetatik 10 lortu ditu Hernanik. Hortaz, bolada txarra atzean utzi, eta sailkapenaren erdialdean jarri dira. Azken jardunaldiko bi partidu bakarrik jokatu badira ere, Hernani 8garren postuan dago, 21 punturekin.