gabonen bueltan egin ohi den Bertsolata ekimena ari da pixkanaka aurrera egiten. Herenegun izan zen urteroko moduan, Errioguardan egiten den bertso bazkaria eta aurtengoan ere, giro ederraz eta saio politaz gozatzeko aukera izan da. Bertso bazkariko gai nagusia izanda Hernani: 15.000 urte bertsotan, urte guzti hauetan Hernanin bizitako gertakariak ekarri ziren gogora: batzuk fiktizioak, besteak errealak. Joxe Urdangarin aritu zen gai jartzen Toloxaren eta Azpin laguntzarekin. Urdangarinek gaia bota, Toloxak eta Azpik gaia girotu, eta Beñat Gaztelumendi eta Xabier Legarreta aritu ziren bertsotan.
Bertso jaialdian
txapelketako lau finalistak
Bertsolatari bide erdia geratzen zaio oraindik eta ekintzak ez dira faltako. Ostegunean, esaterako, Urte Zaharreko errondan ibiliko dira hainbat bertsolari Ohitura Zaharrak elkarteak antolatuta. 18:00etan plazatik aterako dira.
Eta urtarrilaren 2an, Bertso jaialdia izango da Oialumen, 22:30etan. Kantuan ariko dira txapelketa nagusiko lau lehenengoak, eta bertso eskolako beste bi: Maialen Lujanbio, Amets Arzallus, Jon Maia, Andoni Egaña, Iñaki Zelaia eta Agin Rezola izango dira.
Bertso asteari bukaera emateko, urtarrilaren 4an, ‘Bertsoa Hernanin’ proiektuaren aurkezpena eta bideo emanaldia izango dira, 19:00etan Biterin.