Amher Sos Arrazakeria elkarte multikulturalak prentsa ohar bidez deia luzatu die langile bila dabiltzan enpresa, partikular edo dena delakoei: «gogorarazi nahi dugu lan bila dabiltzan atzerritarren zerrenda badugula, bai paperak dituztenak bai ez dituztenak. Norbaitek interesa izanez gero, jarri dadila elkartearekin harremanetan». Eta gaineratu du: «krisiak gehiago eragiten die inmigranteei babes gutxiago dutelako (baliabide ekonomiko gutxiago, familiak urrun, paperak berritzeko ziurtasunik ez...).
Elkartearen esanetan, «lana eta oinarrizko gizarte zerbitzuak izateak, diskriminazioa eta bazterkeria saihesten ditu eta horrek laguntzen du gizartea batzen. Denok dugu guztion beharra».