hilaren 17an logo lehiaketako saridunaren berri eman zuen Hernaniko Kooperazio Taldeak. Igor Baiona izan da irabazlea eta Saharara bidaia irabazi du.
Kooperazio Taldeak urte batzuk daramatza lanean, baina orain arte logotiporik gabe zegoen eta bere ikurra izango zen logotipoaren bila zebilen; taldea bera eta bere filosofia identifikatuko zuen logoaren bila. Orain dela 10 egunetik, badu bera identifikatuko duen logoa, Igor Baionak egindakoa, hain zuzen.
«Aukeraketa zaila»
Lehiaketan zortzi pertsonek hartu dute parte eta guztira 20 lan aurkeztu dira. Honakoak izan dira partehartzaileak: Igor Baiona, Andoni Mateos, Carmen Moneo, Aitor Ruiz de Eguino, Jose Carlos Poza, Adrian Ferreiro, Alba Garcia eta Iñaki Gonzalez.
Kooperazio Taldekoek azaldu zutenez, aukeraketa oso zaila izan da maila oso altua zegoelako.
Saharar bizimodua ezagutzeko aukera
Baionak Saharara bidaiatu ahal izango du Frente Polisarioaren elkartasun bidaian. Apirila edo abenduan izaten da bidaia hori. Bertako familiekin bizitzen da aste betez; saharar bizimodua ezagutzeko aukera ederra da. Irabazleak ordaindua izango du guztia, baina beste norbaitek joan nahi izanez gero, Lankidetza Sailean jaso dezake informazioa.
Aminetu gogoan
Saharaz hitz eginez, Aminetu Haidarren gose greba izan zuten gogoan Kooperazio Taldekoek, eta Espainia eta Marokoren jokaera salatu zuten.