‘Nafarroaren konkista’ dokumentala ikusgai asteartean, Biterin

nabarraldek antolatuta, 1512, Nafarroaren konkista izeneko dokumentala ikusteko aukera izango da asteartean, arra­tsaldeko 19:30etan, Biterin. Proiekzioa bukatu ondoren, ordu erdira gutxi gorabehera, gaiaren inguruan hitz egiteko aukera izango da. «Nafarroa miragarri izango da munduarentzat» Shakes­pear­­ek 1594an idatzitakoa abiapuntutzat hartuta hasten da dokumentala, eta garai hartan Nafarroak zuen ospea benetakoa zela azaldu ondoren, mendeetan zehar Gazte­lak Nafarroari egindako presio militar eta politikoa, Aragoi eta Frantziarenaz aparte, errukigabea izan zela kontatzen da. Horrez gain, «ezkutatu izan zaigun historia» dela aipatzen da eta 1512an, Gaz­telako Fernando Katolikoak Albako Dukearen bidez, independentea zen nafar lurraldea inbaditu zuela armak erabiliz, eta ez zela izan, kontatu izan den bezala, hi­tzarmen bidez adostua.