Hernanik, Realak eta Añorgak jokatuko dute aurten Labaien torneoa

Urteroko moduan, Gabo­ne­tan Labaien torneoa joka­tu­ko du Zubipen Hernaniko jubenilen taldeak. Torneo triangularra izango da, hiru ekiporen artekoa, eta aurten, Real Sociedad eta Añorga izango dira Zubipen. Hiru partidu izango dira; talde bakoitzak bina partidu: lehenengoa Hernanik eta Rea­lak jokatuko dute, 16:00­etan. Bigarrena, Realak eta Añor­gak jokatuko dute, 17:00­­­etan. Eta hirugarrena Her­­nanik eta Añorgak, 18:00­etan. Torneoa, datorren ostegunean, aben­dua­ren 31n jokatuko da.

Juantxo Labaienen omenez
Juantxo Labaien zenaren ome­nez antolatzen du urtero CD Hernanik Labaien Me­mo­rial Torneoa. Aurten 37garren aldiz antolatzen dute, eta beti bezala bertan izango dira Juantxo Labaien zenaren se­nitartekoak.

Erregionaletan, Hernanik 1-5 irabazi Beriori
Erremediorik onena bilatu zuen Hernanik, ostegunean, bolada txarra alde batera uz­teko. Berion jokatu zuten par­tidua eta 1-5 irabazi zu­ten. Golak: Urio, Alkorta, Ola­sagasti, Arregi eta Agi­na­galdek sartu zituzten. Dato­rren asteazkenean ere ligako partidua izango du Her­na­nik, Zubipen, 19:30etan, Au­rre­ra Ondarroa liderraren kon­tra. Ea ba Hernanik urte bukaera ona egiten duen, da­torrena hobeto hasteko.