Hamaikabatek eskatu dio Euskal Epaitegiari, ikuskatzeko, Agustinas-Zinkoeneako obren adjudikazioa

Iñaki Arratibel Hamaikabat taldeko zinegotziak prentsa ohar bidez jakinarazi du, bere alderdi politikoak eskatu diola Herri Kontuen Euskal Epaite­giari, Agustinas-Zinko­e­nea berrurbanizatzeko obren adjudikazioa ikuskatzeko. Bere esanetan, «iaz, Gobernu Taldeak %45 igo zuen obren hasierako aurrekontua, berriro enkantetik pasa gabe. Orduan ere, adjudikazioa ikuskatzeko eskatu genuen irregulartasunak egon zitezkeela uste ge­nuelako, baina Alkateak ezezkoa esan zuen. Horregatik, orain, Euskal Epaitegira jo dugu». Horrez gain dio, tamalez, halako irregulartasunak ohiko bihurtzen ari direla, «azkena orain ez gutxi, Gobernu Taldeko kide batek kobratu zituen faktura ilegal batzuk medio», eta azken egunetan gertutik ari direla jarrai­tzen atez atekoari lotuta egiten ari diren kontratazioak. «Behar izanez gero, berriro joko dugu Euskal Epaitegira edo behar den lekura», jakinarazi du Arratibelek.