urtarrilaren 4tik aurrera, Autobuses Garayar SA enpresak eskaintzen duen Andoain-Urnieta-Hernani-Ospitaleak autobus lineak zerbitzu gehiago eskainiko ditu. Ospitaletarako zerbitzua astelehenetik larunbatera izango da, igande eta jaiegunetan ez da izango, eta honako ordutegia izango du, Andoainetik aterata: 07:20, 09:00, 10:00, 11:00 12:00, 13:00, 14:20, 16:00, 17:00, 18:00, 19:00, 20:00 eta 21:20. Ospitaletatik, berriz: 08:15, 09:30, 10:30, 11:30, 12:30, 13:30, 15:15, 16:30, 17:30, 18:30, 19:30, 20:30 eta 22:15. Autobusaren ibilbidea orain arteko berdina izango da eta geltokiak, lehengoez gain, Sanitas eta Poliklinikan izango ditu.
«Orain arteko ordutegiak jada ez zuen balio»
Manolo Garayarrek azaldutakoaren arabera, «orain egunero dago autobusa, baina Andoainetik 15:30etan ateratzen dena bakarrik, lehen bisitak 16:00etatik 18:00etara izaten zirelako. Baina ordutegi horrek jada ez zuen balio eta zerbitzu gehiago jartzeko eskaerak jaso genituen; eta azkenean onartu du gure eskaera Diputazioak». Garayarrek azaldutakoaren arabera, langileen lan ordutegia ere kontuan hartu da.