Izan zen mugimendua, Osiñagan, Portun eta Urumea ikastolan.

Santo Tomas eguna astelehenean izan bazen ere, Hernanin auzo, elkarte, ikastetxe eta talde gehienek igandean ospatu zuten; esaterako, Osiñagan, Portun eta Urumea ikastolan. Osiñagan, Gabonetako mus txapelketako sariak banatu zituzten. Honakoa izan zen sailkapena: Pantxo eta Pako Perez lehenengoak; Koldo Loran eta Luis Caballero bigarren; Jose Angel Belaunzaran eta Balentin Urdangarin hirugarren; eta Joxe Zubiondo eta Javier Mendizabal laugarren. Horrez gain, Osiñagan eta Portun saski ederrak zozketatu zituzten eta lehenengoa Arriatxura joan zen; bigarrena, berriz, Javik eraman zuen.