Barrenetxeak ozta-ozta galdu zuen debuteko partidua

Larunbatean debutatu zuen, Galarretan, Endika Barrenetxea erremontista her­­naniarrak. Urrutia IIare­kin jokatu zuen eta aurrean Oñatz eta Zubiri izan zituzten. Lauentzat profesional mail­ako aurreneko partidua izan zen, debuta, eta Oñatz eta Zubiri gailendu ziren, 35-30. Partidua oso berdindua hasi zen, eta 17-17ko berdinketaren ondoren Oñatz eta Zubiri nagusitu ziren, batez ere peloteoan. 24-35 jarri ziren markagailuan, baina Urrutia IIak eta Barrenetxeak lanean jarraitu zuten, eta gerturatzea lortu bazuten ere, 30-35 galdu zuten. Barrenetxearen sakea nabarmendu zuten partidua ikustera hurbildu zirenek, eta bera ere pozik agertu zen amaieran: «hasieran oso urduri nengoen, baina oso partidu emozionantea izan da. Ezin izan dugu irabazi, baia eguna beti gogoratzeko modukoa izan da».