atez Ateko Komunikazio Zerbitzuak prentsa ohar bidez jakinarazi duenez, hondakinen kudeaketaren inguruan galdeketa egitearen aldekoak dira, baina beraien esanetan, «galdeketa egin aurretik jendeak zer bozkatzen duen jakin behar du: atez atekoa praktikan ezagutu, hondakinen bilketarako dauden sistema guztiak ezagutu eta orduan nahi bada, herriari galdetu». Eta honakoa gaineratu dute: «Zergatik diote beldurra herri galdeketa atez atekoa martxan jarri ondoren egiteari? Atez atekoa hain sistema txarra bada, hernaniar guztiek aurka bozkatu beharko lukete. Baina errauste-plantaren aldekoek atez ateko sistema ona dela badakite. Horregatik egin nahi dute galdeketa aurretik». Atez atekoarekin konparatuta, diotenez, errauste-plantak ez duela herritarren osasuna bermatzen eta «disparate bat» dela atez atekoa bozkatzeko eskatzea, proposatzen den alternatiba errauste-planta denean.
«Galdeketa arma politiko moduan erabiltzen ari dira»
Oposizioaren gehiengoak, hau da, PP, PSOE, EAJ-PNV eta Hamaikabat alderdiek herrian galdeketa egitea proposatu dute honako galderarekin: ados al zaude Hernanin ezartzearekin Usurbilgo hondakinen atez ateko bilketa sistema?. Komunikazio Zerbitzukoek diote ez dutela egoki ikusten galdera Hernanik ez duelako Usurbilgo atez atekoa kopiatuko. Eta gaineratu dute, galdeketa arma politiko moduan erabiltzen ari direla: «herri galdeketaren alde egongo balira, Gipuzkoa mailako herri galdeketa bat planteatuko lukete, Zubietako errauste-plantaren inguruan.