espainiako Gobernuak aurkeztu berri duen E Plana dela eta, Hernanik 2.078.796 euro jasoko ditu. Horren harira, diru hori zertan gastatu esanez, Hernaniko EAJ-PNVk Marian Beitialarrangoitia alkateari proposamena luzatu dio, Andoni Amonarraizek Kronikara bidalitako prentsa oharrean.
Hamarretik bi, ohizko gastuetara
Prentsa oharraren bidez, Amonarraizek proposatzen dio alkateari eta Gobernu Taldeari, Hernaniko Udalak jaso behar dituen 2.078.796 eurotik %20, gastu normaletara bideratzea. Amonarraizen esanetan, «beharrezkoa da %20 gastu normaletara bideratzea, kontuak kuadratzen saiatu behar duelako Udalak, jaitsi egin delako Gipuzkoako Foru Aldundiak Hernaniri egingo dion diru aportazioa».
Gainerako %80 inbertsioetara bideratzea proposatzen du Amonarraizek; 3 inbertsio jakinetara hain zuzen ere. Honakoak lirateke:
1) Plaza eraberritzea: Andoni Amonarraizen ustez, bizia emango lioke espazio honi eta orokorrean Kaxko auzo guztiari.
2) Etxeberriko bigarren fasea.
3) Karabelgo bigarren fasea: horrekin bukatuko lirateke berritze lanak bi auzo horietan, gaur egun erdizka geratuak daudelako.