astigarragan kultur ekintza mordoa izango da gaurtik hasi eta abendua bukatu bitarte. Eta datorren astetik aurrera, Gabon emanaldiak izango dira nagusi. Dena dela, datorren astera arte itxaron gabe, gaur bertan ere aukera izango da girotzen joateko; izan ere, Gabonetako kontzertua izango da Norberto Almandoz musika eskolako hainbat talderen eskutik. Musika eskolako areto nagusian izango da eguerdiko 12:00etan. Bihar, berriz, musika eskolako ikasleen emanaldia izango da. Pianoa eta biolina joko dituzte 18:00etan, musika eskolan. Eta ostegun eta ostiralean beste bi saio izango dira, 19:30etan.
Egutegia doan eta KZ Gunea,
bihar Udalak 2010 egutegia argitaratu du eta egutegi hori doan banatuko da bihartik aurrera, udaletxean, kiroldegian, kultur etxean eta musika eskolan. Horrez gian, bihar ere KZ Gunea irekita egongo da 09:00etatik 13:00etara.
Gabonetako emanaldiak
Datorren asteburutik aurrera Gabonetako emanaldiak izango dira nagusi Astigarragan. Ostiralean, bertan, Olentzero eta Mari Domingi ikastolara iritsiko dira 14:30etan, eta larunbatean, Olentzerok haurren gutunak jasoko ditu eta txokolatada izango da J. Barandiaran plazan, 17:30etan. Igandean, berriz, Gabonetako kanten emanaldia izango da Gernikako Andra Mari eta Astigarragako Aiztondo abesbatzarekin. Horrez gain, kultur etxeko lorategian jarri ohi den Jaiotza, hilaren 22an jarriko dute; eta hilaren 24an, Etxerat elkarteak antolatutako Olentzeroa izango da.
Haurrentzako antzerkia
eta zinea
Hilaren 20an, igandean, 4-8 urte bitarteko haurrentzat antzerkia izango da: Ipuinez Ipuin. Kultur etxean izango da 17:30etan. Hilaren 26an, berriz, Vickie Bikingoa jarriko dute kultur etxean, 17:00etan.
Gazteen kirol eguna
kirol jarduera bultzatzeko
Gazteen artean kirol jarduera bultzatzeko, gazteen kirol eguna antolatu du udalak hilaren 22an. Kiroldegi eta pilotalekuan izango da egun osoan zehar. Parte hartu nahi duenak ostirala baino lehen eman behar du izena kiroldegi edo gaztelekuan.