gipuzkoako pelota txapelketako finalerdietako partidua izango dute gaur Santxo eta Lizeaga pelotari hernaniarrek. Añorgako Loidi eta Maiza bikotearen kontra jokatuko dute, kiroldegiko pelotalekuan, arratsaldeko 16:00etan hasita. Jubenil mailakoa izango da. Rufino Rekaldek adierazitakoaren arabera, oso partidu berdindua izatea espero da. Bikote hernaniarra partidu bat bera ere galdu gabe iritsi da finalerdietara. Baina aurrean izango duten bikotea egungo txapelduna da: «pelotazaleek galdu behar ez luketen partidu horietako bat izango da gaurkoa».
Txapelketako beste
hainbat partidu gaur
Finalerdietako partidua ez da hernaniarrek gaur jokatuko duten bakarra izango. Infantiletan honakoak izango dira partiduak: Auritz Artola/Añorga, Aiatz Hernani/Euskal Giroa, Intza/Yeray Iriondo, eta Hodei Noble/Lizardi.
Jubeniletan: Eneko Aizpitarte/Aurrera Saiaz, eta Santxo-Lizeaga/Añorga.
Paletan: Real Sociedad/Manzisidor-Lukas, Lizeaga-Perez/Zarautz, eta Tijero-Zabala/Suberri.
Kadete mailan, trinketean: Josu altuna/Alde Zaharra, Egoitz Altuna/Alde Zaharra, Oiarpe/ Jon Etxegoien, Iñaki Otaegi/Urnieta, eta Ohian Lujanbio/Urnieta.
Azkenik, senior mailan, eta trinketean baita ere: Eñaut Esnaola/Mundarro, eta Aritz Otaegi/Ramuntxo.