Txapel haundia jokoan, inor ez dago ezer oparitzeko

Bertsoaren egun haundia iri­tsi da. Lau urtean behin jo­ka­tzen den Euskal Herriko Txa­pel­keta Nagusiak gaur du fi­na­la, eta bertan izango dira kan­tuan: Andoni Egaña, Amets Ar­za­llus, Jon Maia, Unai Iturriaga, Aitor Sarriegi, Sustrai Colina, eta Hernaniko bertso eskolako Maialen Lujanbio eta Aitor Men­­diluze.
44 bertsolari onen­­tsuenek hasi zuten txapelketa, eta 13 saio­ren ostean 7 bertsolari one­nak pasa dira finalera. Ber­tan zain izango dute azken 4 txa­pel­ke­tetan nagusia: Andoni Egaña.

Entzuleen emana
Txapelketa urriaren 3an hasi zen eta inoizko ikusmin haun­diena sortu du. Areto guztiak bete dira, eta gaur, finalerako jarrita zeuden txartel guztiak saldu dira. 14.000 bertsozale izango dira gaur Barakaldoko BEC are­toan. Saioa goiz eta arratsal­dez jokatuko da; goizekoa 11:00etan hasiko da eta arra­tsaldekoa 16:30etan. Arratsal­de­ko 20:30ak aldean jakingo da zein den Euskal He­rri­ko txapelduna.

Hernaniko eskolako
2 bertsolari, 8 onenen artean
Hernaniko bertso eskolak lan polita egin du aurtengo txa­pel­ketan. 6 bertsolari aritu dira lehian; 4 pasa dira final erdie­tara, eta 2 izango dira finala jokatuko dutenak. Epaile tal­dean ere bertso eskolako kide bat izango da finalean.
Maialen Lujanbio eta Aitor Mendiluzek txapelketa ederra egin dute. Biak dira txapela janzteko kandidato... baina Egaña eta gainerakoak ez daude ezer oparitzeko.

Udalak harrera ekitaldia egingo die gaur bertso eskolako parte hartzaileei
Hernaniko Udalak harrera egin­go die gaur, Txapelketa Na­­gusian parte hartu duten Hernaniko Bertso eskolako 7 kideei. Harrera ekitaldia Uda­­le­txeko Areto Nagusian izan­go da, 19:30etan.

Maialen Lujanbio:

«Osotasun bat eman nahi nioke nire saioari, eta ale on batzuk utzi»

Maialen Lujanbiok 4garren Final Nagusia du aurtengoa. Lujanbiok bere saioari osotasun bat eman nahi lioke gaur «ni entzutea, ahalik eta erosoen, eta nien. Saioari osotasun bat ematen saiatuko naiz, maila on bateko saio  bat egiten; neretik ale on batzuk uzten...». 1997ko finaletik gauza asko aldatu direla dio Lujanbiok, «orain erantzunkizun haundiagoa sentitzen dugu; gure belaunaldiari dagokio, neurri batean, egungo bertso eskaintza zertan den erakustea».

Aitor Mendiluze:

«Bergarako sentsazioa sentitu nahi nuke, eroso sentitu... emateko»

Aitor Mendiluzek hirugarren aldiz jokatuko du gaur Final haundia. Mendiluzek aurreko urteetan adinako ilusioa dauka aurten, «aldatu egin gara, baina ilusioa lehengo bera da. Kokatzen ikasten duzu, garatzen joaten zara, bertsokera, irudi aldetik; lehen agian gauza batzutan hobeak ginen, teknikoki, adibidez». Sentsazio baten bila joango da Mendiluze, «eroso sentitu nahi dut, Bergaran bezala, eta daukadana eskaini. Ea denen artean saio on bat borobiltzen dugun!»