lehenengo Arte Azoka izango da bihar, goizeko 10:00etatik 14:00etara Hernanin, eta bertan, Hernaniko eta inguruko 40 artisten lanak ikusi eta erosteko aukera izango da. Artista horietatik erdiak izango dira hernaniarrak. Batez ere pinturaz egindako artelanak izango dira, baina eskultura eta argazkigintzako artelanak ere izango dira.
Artista hernaniarrak
Hernaniko honako artisten lanak ikusi eta erosteko aukera izango da: Noelia Crujeira, Maria Virginia Ustaran, Gorka Setien, Aitor Ruiz de Egino, Maria Agirre, Xabier Arnaiz, Julia Jaramillo, Carmen Moneo, Gorka Asiain, Alberto Elosegi, Jon Zabaleta, Iker Valle, Jose Luis Elexpe Pelex, Peio Goello, Marisol Yaben, Yolanda Lopez, Maite Arrieta eta Teresa Arrieta. Horiez gain, Biteri kultur etxeko zeramika tailerreko bi mahai izango dira.