urtea ekintzez gainezka bukatuko dute Gazte Txokoan. Abenduko aisialdi egitarauari erreparatuz gero, hilabete honetan izango dute zertaz gozatu herriko neska-mutilek. Besteak beste, izango dituzte solasaldiak, tailerrak, txapelketak eta irteerak.
HIESaren nazioarteko eguna
Asteartean, abenduak 1, HIESaren nazioarteko eguna izan zen, eta Gazte Txokoan aintzat hartu nahi izan dute. Ostegunean marrazki lehiaketa antolatu zuten eta datorren astean, hilaren 11n, hitzaldi-solasaldia izango da. Harri Beltza HIESaren aurkako taldeko kide bat hurbilduko da Gazte Txokora gazteekin hitz egitera. Solasaldian arreta berezia jarriko du prebentzio neurrietan.
Kandela eta mosaiko tailerra
Abenduan tailerrak ere ez dira faltako. Datorren asteko astearte eta asteazkenean egingo dituzte kolore, usain eta forma ezberdinetako kandelak, eta hilaren 16 eta 17an mosaiko tailerra izango da.
Tailerrez gain, hainbat txapelketa ere izango dira: abenduaren 12an pintura txapelketa, 13an altxor bila, 19an Alla tu erraldoia, eta 26an futbolin txapelketa.
Aquariumera eta zinemara irteerak
Azkenik, eta txango irteerei dagokienez, atzo Donostiako Aquariumera joan ziren, eta abenduaren 27an, ere Donostiara joango dira, zinemara.
Gazte Txokoko giro ona azpimarratu dute
Gazte Txokoko hezitzaileek ikasturte honetan lokalean izan duten giro ona azpimarratu nahi izan dute. Adierazitakoaren arabera, adin, sexu eta ikastetxe ezberdineko gazteak ari dira adiskide berriak egiten: «haien artean erlazio eta adiskidetasun berriak eraikitzen ari dira, lokalean giro armonikoa nagusituz».
Bestalde, gaineratu nahi izan dute ikasturte osoan antolatutako ekintzek arrakasta haundia izan dutela: «eskulanak edo tailerrak aurtengo gazteen interes gune garrantzitsu bihurtu dira».