Kriskitina dantza taldeak antolatuta, XVgarren Gazteen Dantza Txapelketa izango da gaur Hernanin. Eguerdiko 12:00etan hasiko da txapelketa, Plaza Berrin. Dena dela, euria eginez gero, Sandiusterrin izango litzateke.
Gipuzkoa eta Bizkaiatik
13 bikote
Guztira parte hartuko dute Gipuzkoa eta Bizkaiko herrietako 13 bikotek. Gipuzkoatik etorriko dira: Azpeitia, Lazkao, Amasa, Alegia, Anoeta, Zizurkil, Villabona eta Lezotik. Bizkaiatik, berriz, Trapagaran, Urioste eta Portugaletetik. Parte hartzaileen adinari dagokionean, gazteenak 11 urte ditu eta zaharrenak 15.
Fandangoa eta arin-arina bikote bakoitzak
Dantzari gazteek garai bateko jantziekin dantzatuko dute eta dantzatu beharrekoak izango dira, fandangoa eta arin-arina, Beñat Luluagak eta Aitzol Txapartegik jotako trikitixa doinuekin. Epaimahaia osatuko dute Gipuzkoako Dantzarien Biltzarreko kideek.