Urtean lau aldiz, Lokarrik Behatokia izeneko txosten bat egiten du bake-prozesuaren inguruan. Horretarako, zeinbait herritan egiten diren bileren emaitzez eta galdetegi baten erantzunez baliatzen da. Hernanin, hilaren 10ean, ostegunean, izango da bilera. Biterin izango da arratsaldeko 19:30etan. Parte hartu nahi izanez gero, telefono honetara deitu behar da: 943 000 600. Lokarrik egindako azken hausnarketan dio zailtasunak daudela bake-prozesuan aurrera egiteko, baina aukera interesgarriak badaudela, hala nola, Ezker Abertzaleak egindako deklarazioak eta beste alderdi batzuk prestatzen ari diren proposamenak.
Bilera eta galdeketa hiru galderen inguruan
Bilera eta galdeketa hiru galdera hauen inguruan izango da: 1- Zer iritzi duzue Batasunak ordezkaturiko Ezker Abertzalea ematen ari den pausoetaz?; 2- Nahikoa al da bake eta elkarrizketa prozesu baterako? Beharrezkoa al litzateke beste zerbait?; eta 3- Zer pauso eman beharko lirateke elkarrizketarako aukera berri bat zabaltzeko?.