Euskal Herriko Kirolariek, antolatutako afariko menua, aurkeztu zuten atzo

euskal Herriko Kirolariak abenduaren 27an Belodro­moan egingo den Kirolharria ekitaldiari begira daude, eta eguna iritsi bitartean, giroa berotzeari ekin diote. Helbu­rua da Euskal Herria aintzat hartuko duen kirol esparrua sortu eta bultzatzeko urra­tsak ematea. Hala antolatu dute datorren ostegunean, hilaren 10ean, Txangangorri elkartean egingo den afaria. Afari horren menua ere zehaztua dute dagoeneko; atzo eman zuten bere berri, Txantxan­gorrin bertan.

Goi mailako eta herriko 9 kirolari eta 3 sukaldari
Menuaren aurkezpenean atzo, mota ezberdinetako ki­rolariak bildu ziren goi mailako eta herrikoen artean: pelotarien artean izan ziren Oier Mendizabal, Asier Olai­zola eta Paul Ojuel; futbolarien artean, Mikel Aranburu, Eñaut Zubikarai, Gorka Kije­ra eta Mikel Aginagalde; eskalatzaileen artean Antton Zabala; eta errugbi jokalaria Jon Apaolaza. Sukaldaririk ga­be, afaririk ezin egin eta beraiek ere bertan izan ziren: Alberto Rodriguez, Joxe Mari Olaziregi eta Xabi Gorro­txategi.

Txartelak salgai
Ekos, Aralar eta Oindin Afarira joan nahi izanez ge­ro, txartelak salgai daude Ekos, Aralar eta Oindin, 30 eu­­roan. Menua honakoa izan­go da: urdaiazpiko iberikoa, pi­ku eta foie-ren tarrina, trufa eta onddoen pudina, ba­kailua pilpilean, txuleta eta Ada­rraga ojaldrea. Eda­teko, sagardoa eta ardoa izango dira, eta kafea eta kopa ere menuaren barruan daude.