poltsak berrerabiltzeko kanpainako azaroko zozketa atzo egin zen. Joan den hileko saridunik azaldu ez denez, bi zenbaki atera zituzten: 77.488a eta 47.293a. Lehenengo zenbakia Urbieta kaleko Leokadisti liburudendan banatua da eta bigarrena Kale Nagusiko Zabala okindegian.
Bi saridunek 100 euroko saria jasoko dute 5 euroko erosketa bonotan. Txartel saritua dutenek udaletxera deitu dezatela, abenduaren 17 baino lehen, telefono honetara: 943 575 431.
Abenduko zozketan
300 euroko saria
Abenduko zozketarako txartelak urdin argiak dira. Saria, hilabete honetan, berezia izango da; 300 euroko eros-txartela izango da. Zozketa eguna, abenduaren 30ean, asteazkenean izango da.