Hernaniarrak fin Donostiako Maratoian

joan den igandean Donos­tiako Maratoia izan zen 32ga­rren aldiz, eta 3.000 atleta inguruk hartu zuten parte. Horietatik 22k eman zuten izena Hernaniko partaide bezala. Eva Esnaola Ages­tak lortu zuen orokorrean emai­tzarik onena. Emaku­mez­ko­e­tan 9garren postua lortu zu­en, Gipuzkoatik bi­ga­rrena izan zen, eta beteranoetan, hi­ru­garrena. Lortu­tako denbora, 3 ordu 8 minutu eta 15 se­gundo izan ziren. Esnaola izan zen emakumeetan apuntatu zen hernaniar bakarra. Gizonezkoen artean, be­rriz, Asier Larrañaga Urigoi­tia izan zen lehenengo hernaniarra 16 garren sailkatuta. Lor­tu zuen emaitza 2 ordu, 32 minutu eta 32 segundo izan zen. Bigarrena Edu­ar­do Ga­lle­go Pavon izan zen; 66ga­rren postua lortu zuen 2 ordu 43 minutu eta 19 segundo eginda. Hirugarrena berriz, Harkaitz Fernandez de Landa Lasarte izan zen, 2 ordu 54 minutu eta 5 segundotan bukatu ostean maratoia. Maratoi osotik, gizonezkoetan, Rafael Iglesiasek lortu zuen emaitzarik onena, 2 ordu 10 minutu eta 44 segundo; eta emakumezkoetan, Maria Jose Pueyok: 2 ordu, 36 minutu eta 28 segundorekin.