Hernaniko udalak zein ekipamendu lehenetsi erabakitzeko, herritarrek bozkatzeko aukera izan dute joan den aste osoan zehar, eta atzo, botoen kontaketa irekia egin zen Udaletxean. Aukeran zeuden hiru ekipamenduetatik, hau da, Kultur Gunea, Igerilekua edo Gudarien eta Tilosen plaza eraberritzea, Kultur Guneak lortu ditu boto gehien: 1.459 boto. Bigarren Gudarien eta Tilosen plaza eraberritzeko aukera geratu da 538 botorekin; eta azkena, Igerilekua 290 botorekin. Boto zuriak 9 izan dira eta baliogabeak 12. Guztira 2.308 herritarrek eman dute botoa, hau da, Hernanin erroldatuta dauden 16 urtetik gorako herritar guztietatik %14,9k. Udalaren apustua parte hartzea %20koa izatea zen. Emaitzen balorazioa egiteko, prentsaurrekoa egingo dute gaur 12:30etan, Udalean, Marian Beitialarrangoitia alkateak eta Juan Ignacio Arrieta parte-hartze zinegotziak.
Kultur Guneak atera ditu boto gehien ia %15eko parte hartzearekin
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!