Santa Zezilia omendu zuten atzo kantu eta txistu doinuekin

jendetza bildu zen atzo Sandiusterriko aretoan, Santa Zezilia musikarien patroiaren omenezko kon­tzertuan. Urteroko hitzor­duari hutsik egin gabe, Kantuz Abesbatzak eta Udal Txistulari Bandak kontzertua eman zuten, Igor Arroyo eta Patxi Apeze­txearen gidari­tzapean. Ikus­kizun ederra bezain berezia izan zen. Kontzertuaren ha­sieran txandakatu egin ziren abeslariak eta txistulariak, eta bukaeran berriz, denak batera aritu ziren. Tartean Ttarla dantza taldeko dantzariek eta Metal Boskoteak kontzertua borobildu zuten, eskaini zuten emanaldiarekin.