bertsolari Txapelketa Nagusia azken txanpan da, eta gaurkoa azken finalerdiko saioa izango da, Belodromoan. Bertan izango da Maialen Lujanbio bertsolari hernaniarra.
Maialen Lujanbio gaur
Belodromoan
Maialen Lujanbiok finalera iristeko azken pausua eman beharko du gaur, finalerdiko azken saioan. Bergarako bertsosaio bikainaren ostean, zuzenean lortu zuen bigarren finalerdirako pasea, 708,5 punturekin. Hortaz, sorpresarik ezean, Lujanbiok ez du arazo haundirik izango finalerako pasea lortzeko.
Saioa arratsaldeko 17:30etan hasiko da, eta bertan ariko dira Iñaki Gurrutxaga, Uxue Alberdi, Aitor Sarriegi, Jon Maia eta Arkaitz Estiballes bertsolariak.
Sarrerak 15:00etatik
aurrera salgai
Gaurko finalerdirako sarrerarik ez duenak, oraindik badu erosteko aukera. Belodromoan bertan jarriko dituzte salgai, 23garren atean, arratsaldeko 15:00etatik aurrera. Pertsona bakoitzeko 4 sarrera jarriko dituzte.
Horrez gain, BECeko final haundirako azken sarrerak ere bertan jarriko dituzte salgai (egunean bertan ez da aukerarik izango). Ate berean erosi ahal izango dira hauek ere, eta bereizteko, bi fila izango dira. Guztira 300 sarrera jarriko dituzte, eta pertsona baikoitzak bi erosi ahal izango ditu.