Euskal Herriko kirol ordezkaritza ofiziala eskatzeko jaialdiarekin bat egin dute Hernaniko kirolariek ere

kirolari mordoa elkartu zen atzo Hernaniko fron­toian, abenduaren 27an Eus­kal He­rriaren ordezkaritza ofiziala­ren alde egingo den jaialdira joateko deialdia luzatzera.
Euskal Herriko bazter guz­tietako kirolariek bat egin dute eta idatzi bat kaleratu dute. Ida­tzian lau ideia nagusi biltzen dira: batetik, Euskal Herriak ordezkaritza ofiziala izateko eskubidea aldarrika­tzen da; bestetik, ordezkaritza horretan zazpi herrialdeetako kirolariek lekua izatea eska­tzen dute; hirugarrenik, euskal ordezkaritzak nazioartean le­kua izatea eskatzen dute; eta azkenik, kirolariek, Euskal He­rria aintzat hartuta,  elka­rre­kin antolatu ahal izatea, eska­tzen dute.

Abenduaren 27an
jaialdia Belodromoan
Abenduaren 27an, aurrene­ko aldiz zazpi lurraldee­tako kirolariek antolatuta, jaialdi haundia izango da Donos­tiako Belodromoan. Atzo Her­naniko kiroldegian bil­du­tako kirolari guztiek dei egin zuten jaialdian parte hartzeko. Kirola nagusi izan­go da abenduko jaial­dian, baina ho­rrez gain,  bertsoak, musi­ka eta antzer­kia ere izan­go dira, baita sorpresaren bat ere.
Asmoa da Euskal Herria ardatz izango duen gune ba­ten aldarrikapena egitea. 17:30etan hasiko da.

Abenduaren 10ean afaria Txantxangorri elkartean
Abenduaren 10ean Herna­niko Txantxangorri elkar­tean afaria izango da, goi mai­lako kirolariekin eta goi mailako sukaldarien esku­tik. Alberto Rodriguez Dana Onako sukaldari burua eta Xabi Gorrotxategi Casa Ju­lia­neko sukaldaria izango dira afaria ematen.
Txartelak datorren as­tean jarriko dituzte salgai Hernanin.