Raul Zeliken ‘Lagun armatua’ aurkeztuko dute gaur, gatazka politikoaren eta barne gatazken inguruko nobela

lagun armatua izeneko liburua aurkeztuko dute gaur Hernanin. Raul Zelik ale­ma­niarrak idatzi du, ga­taz­ka politikoa eta pertso­nen barne gataz­kak ardatz hartu­ta. Idazlea ez da aurkez­penean izango. Aur­kez­pena Petra Elserrek bidera­tuko du eta ondoan izango ditu Edorta Matau­ko itzul­tzailea eta Harkaitz Ca­no eta Juanjo Olasagarre idaz­leak. 19:00­etan hasiko da, Udal­etxeko Areto Nagu­sian.

‘Lagun izoztua’ren haritik
Raul Zelik eta Petra Elser itzultzaileek itzuli zuten Joseba Sarrionaindiaren Lagun izoztua liburua ale­ma­nierara. Orduan sortu zi­tzaion Zeliki Lagun arma­tua nobela idazteko grina, bere esanetan bere bizitzan irakurri duen «libururik onena» baita. Ondorioz, ba­daude paralelismoak bi liburuen artean, besteak beste, izenburuan, pertso­naietan eta abar, baina al­dea ere bai, jakina.

Gatazka intimoak eta gatazka politikoa
Liburuan gatazka politi­koak, Euskal Herrikoak hain zuzen, pisu haundia du, baina pisu haundia dute era berean, pertsonen ba­rru­ko gataz­kek, gatazka intimoek.
Liburuko protagonista Eus­kal Herrira itzuliko da eta oso estimatua duen as­pal­diko lagun batekin egin­go du topo. Hark ihesi egiten laguntzeko eskatu­ko dio; horrek barrenak mu­gitu eta gatazkak sorrara­ziko dizkio, politikoak eta intimoak. Itzultzailearen eta aurkezlearen esanetan, era askotako barne gataz­kak, baita gai so­zialak ere, iku­tzen ditu Zel­ek, eta nor­malean esa­ten ez diren gau­zak esaten ditu.

Alemaniarra euskaraz
Raul Zelik alemaniarrak euskara ikasi zuen eta «on­do» eza­gutzen du Euskal Herria. Liburuaren idazlea, itzultzailea eta gaurko aur­kezlea Euskalema eus­kal eta alemaniar kultu­rak hurbil­tzea helburu duen elkarte­ko kideak dira.

Aurkezpena Hernanin
Irailean atera zen liburua eta gaur izango da aurkezpen ofiziala Herna­nin, besteak beste, publiko aldetik leku egokia iruditu zaielako. Era guztietako ga­taz­ketan inte­re­sa duten la­gunak espero dituzte aur­­kezpenean; as­moa dute ez­ta­baida eta haus­nar­keta sortzea.