saio bakarra geratzen da BEC-eko final haundirako; igandean Donostiako Belodromoan jokatuko den finalerdia, alegia. Antolatzaileek astelehenean prentsaurrean adierazi zutenez, finalerako sarreren ohizko salmenta eten egin dute, hau da, internetekoa eta herrietakoa. Sarrera guztiak bukatu dira, eta norbaitek bakarren bat eskuratu nahi izanez gero, igandean izango du azken aukera, Belodromoan. Gutxi gora behera 200 sarrera inguru jarriko dituzte salgai.
Igandean azken finalerdia
Donostian
Igandean azken finalerdia izango da Donostiako Belodromoan eta saio hau azken aukera izan liteke finalera joan ezin duten bertsozale guztientzako. Prentsaurrean adierazitakoaren arabera Belodromoa aukeratzearen arrazoia izan da Donostia eta bertsoaren arteko lotura; orain arte final asko bertan jokatu dira, eta apustu hori egitea erabaki dute. Bertako saioan izango dira Maialen Lujanbio hernaniarra, Jon Maia, Aitor Sarriegi, Uxue Alberdi, Arkaitz Estiballes eta Iñaki Gurrutxaga.
Belodromoko saiorako 3.000 sarrrera saldu dira dagoeneko, baina oraindik asko geratzen dira. Erosi nahi dutenek bi aukera izango dituzte: www.bertsosarrerak.eu webgunean edo Belodromoan bertan.