bihar Santa Zezilia, musikarien patroiaren eguna dela eta, Hernaniko Musika Bandak kontzertua emango du Udaletxeko arkupeetan. Eguerdiko 12:45etan izango da, baina 12:00etarako kalean zehar ibiliko dira bazterrak girotzen. Igandea izanda, halako zerbait antolatzeko aukera ematen duela azaldu dio Zipri Otxandorena zuzendariak Kronikari. Kontzertua ondoren, bazkaria egingo dute Fagollagan.
Datorren larunbatean emanaldi gehiago
Santa Zeziliaren omenez, emanaldi gehiago izango dira datorren larunbatean. Kantuz Abesbatza, Hernani eta inguruko txistulariak, Metal boskotea eta Ttarla dantza taldea izango dira, Sandiusterrin, 19:00etan.