12-0 irabazi zion atzo Hernaniko taldeak Vigori

bostetik bost irabazi ditu Ohorezko B Mailan jokatzen ari den Hernaniko taldeak. Atzo 12-0 irabazi zion Vigotik etorritako aurkariari baina jokoa ez zen espero bezain ona izan.

Besteak agintzen
Lehenengo partean 5-0 jarri ziren. Bigarrenean bi entsegu egin eta beste zazpi puntu lortu zituzten eta halaxe bu­katu zuten partidua; ondorioz, lau puntu gehiago irabazi dituzte, sailkapenean gora egiteko.
Hala ere, hernaniarrek ez zuten nahi bezain ondo jokatu eta bi­garren partean behintzat aurkariak agindu zuen. Lan gehixeago egin behar­ko dute gora egin nahi badute.