larunbatean Topagune Berdea bilduko da eta oraingoan hernaniarrek bidegorriaz eta autobus zerbitzuaz duten iritzia eta horien inguruko proposamenak jaso nahi dituzte. Asmoa da herritarren ekarpenak jasotzea herriko mugikortasun plana egiteko. 10:00etan izango da, Biterin.
Mugikortasun plana
Endara enpresa ari da Hernaniko Mugikortasun Plana egiten eta Topagune Berdean bildutako kezka, hausnarketa eta proposamenak luzatuko dizkiote ondoren enpresari.
‘Autobusa etxeazpian nahi?’
Hausnarketa egiten laguntzeko hainbat galdera luzatu dituzte autobus zerbitzuaren inguruan: Zure auzoan non pasatzen da autobusa? Nahi al duzu Hernaniko autobusa zure etxeazpian geratzea? Ba al dakizu Hernaniko autobus urbanoa non geratzen den eta zein ordutan? Autobusarentzat geltoki berriak proposatuko zenituzke?.
Bidegorria nondik nora
Bidegorriaren inguruko galderak ere luzatu dituzte: Zure auzoan bidegorririk egingo al da? eta Bidegorria nondik nora joango den jakin nahi duzu?. Galderak egiteko eta erantzunak jasotzeko larunbateko bileran parte hartzeko gonbitea luzatu diete herritarrei.