MUSIKA izango da azaroko protagonista, baita Astigarragan ere. Azaroko kultur ekintzetako asko musikarekin lotuak daude, azaroaren 22an Santa Zezilia eguna baita.
Musika ekitaldiak barra-barra
Hilaren 15ean Doneko Kosakoak zortzikotea izango da elizan. Duela 8 urte osatutako abesbatza zortzi abeslari errusiarrez osatua dago, eta Vassil Kantcheven zuzendaritzapean, Errusiako eliza ortodoxoaren liturgia kantu eta Errusiako herri doinuz osaturiko programa eskainiko dute. Horrez gain, hilaren 19an, Musika Eskolako Trikitixa Taldeak eta Iratzar abesbatzak kontzertua emango dute. Hilaren 21ean Aiztondo abesbatzak eta Anonimuss Hari Laukoteak hainbat musikagileren obrak interpretatuko dituzte: Pourcel, Haendel eta abarrenak. Hilaren 22an Txirriskla elkarteko txistulariek kontzertua emango dute, J. Barandiaran plazan.
Reziklarte’09 erakusketa
Hilaren 6az geroztik eta hilaren 11ra arte Reziklarte’09 erakusketa egongo da jarria J. Barandiaran plazan. Erakusketan informazio bulegoa ere izango da birziklatzearen eta gaikako bilketa sistemaren inguruko informazioa emateko.
Haurrentzako ekintzak
Hilaren 21ean pelikula bat ikusteko aukera izango dute etxeko txikiek; Beckham izan nahi nuke pelikula jarriko diete. Buruan futbola besterik ez duen familia indiarreko neskato baten ibilerak kontatzen ditu.
Antzerki emanaldia ere izango dute, hilaren azkeneko igandean, Ali Baba hain zuzen ere. Sarrerak 2.5 euroan dira eta hilaren 23tik aurrera eta egunean bertan izango dira salgai.
Gabonetako ludoteka
Gabonetan ludoteka izango da etxeko txikientzat, abenduaren 22tik urtarrilaren 5era. Izena emateko 943 335 064 zenbakira deitu behar da edo xaguxar@hotmail.com-era idatzi behar da. Izen ematea hilaren 16tik 18ra izango da, kultur etxean bertan. Haur kopurua mugatua da eta toki arazorik balego, zozketa egingo dute.
Astigarragan
Azaroaren 11ra arte, erakusketa: Reziklarte’09. J. Barandiaran plazan.
Azaroaren 15ean, Musika: Doneko Kosakoak Zortzikotea. Andra Maria elizan, 18:00etan.
Azaroaren 19an, Musika:
Musika Eskolako Trikitixa Taldea eta Iratzar abesbatza.
J. Barandiaran plazan, 18:30etan.
Azaroaren 21ean, Musika: Aiztondo abesbatza eta Anonimuss Hari Laukotea.
Kultur etxean edo elizan, 19:30etan.
Azaroaren 21ean, umeentzako zinea: ‘Beckham izan nahi nuke’. Kultur etxean, 17:00etan.
Azaroaren 22an, Musika: Txirriskla elkarteko txistulariak. J. Barandiaran plazan, 13:00etan.
Azaroaren 29an, Umeentzako antzerkia: ‘Ali Baba’.
Kultur etxean, 17:30etan.