Asteartean, hau da azaroaren 3an, 60 urte bete ziren Ergobia-Hernani arteko errepidea eta zubia inauguratu zirenetik. Hernanitik Donostiara joateko bide berria egin zen Astigarragatik igaroz. Hala, Zinkoeneak bere esanahia galdu zuen. Zinkoenean, Hernaniko bidegurutzean, Madriletik Parisera zijoan errepide zaharra eta Donostiatik, Oriamenditik, Arano eta Goizueta pasata, Nafarroara doan bidea elkartzen dira. Lau adar horiei Urumearen bidea gehitu behar zaio eta hortik Zinkoenea izen hibridoa lortzen da. Ergobia-Hernaniko errepidea egitearekin, beraz, hastapenetako zentzua galdu zuen bidegurutzeak. Langabeziaren aurkako proiektua Proiektuaren egilea Jose Maria Gabarain izan zen, garai hartako Diputazioko obra eta bide zerbitzuetako ingeniari zuzendaria. Lan hau 1945eko langabeziaren aurkako planaren barruan burutu zen eta 4 milioi eta erdi pezetako kostua izan zuen.