Hernaniko Ezker Batua-Berdeak alderdiak kanpaina egingo du aurrerantzean Hernaniko bizilagunak sentsibilizatzeko eta mobilizatzeko, langabezi tasa altuak ikusita.
1.030 langebetu
Alderdiak Kronikari bidalitako oharrean adierazi du urriko datuen arabera, 1.030 hernaniar daudela langabezian, eta «bai Alkateak, bai Eusko Jaurlaritzak ezkutatu egiten dituzte».
Kartelak kalean
Kanpainan zehar, hilero, kartelak jarriko dituzte herrian barrena honako mezuarekin: Noiz arte ixilik? Defendatu zure eskubideak. Lana eta gizartearen babesa. Kartelean hilero langabezi zerrendan dauden hernaniar kopurua ere adieraziko dute.
Kontzientzia sortu
eta mobilizatzera bultzatu
Kanpainaren helburua da gizartea jabetzea krisi ekonomikoaren larritasunaz, lan erregulaziorako expedienteen ugaritzeaz eta lan baldintza gero eta eskasagoez. Horrez gain, gizartea mobilizatuarazi nahi dute «herriko langabezi datuak ezkutatu egiten direla salatzeko, Eusko Jaurlaritzak emandako datuetan ez baitaude zehaztuak».
Mobilizazioak
deituko dituzte
Ezker Batua-Berdeak taldeak dei egin die hernaniarrei «lan baldintza duinak eta denontzako justuak eskatzeko» egingo diren mobilizazioetan parte hartzera.