Estatuko laburmetraien emanaldia: `Lesbian vampiere killers´eta `Evangelion 2.0´animea, beldurrezko astean aipagarrienak, gaur

Ez da makala ezta ere gaurko programazioa Beldu­rrezko XX Astean! Ema­naldiei arratsaldeko bostetan emango diete hasiera Rebordinos eta bere taldeak, Estatuan beldurrezko laburmetrai sorta esangura­tsuenetarikoekin. Besteen artean, Amona Putz! (2009) Telmo Esnalek (Aupa Etxe­beste!) aurten filmatutako laburmetrai euskalduna izango dugu ikusgai. Ostean, Viva la muerte! Autopsie du cinéma espagnol (2009) Yves Mont Mayeurrek zuzendutako filme dokumentala emango dute; eta saio hori ezinhobeto bukatzeko, Ti West estatubatuarrak egindako The House Of The Devil (2009) filmea programatu dute Donostia Kul­turakoek. Hurrengo emanaldia 22:30etan hasiko da Antzoki Zaha­rrean eta Phil Claydon zuzendari britaniarrak egindako Lesbian Vampire Ki­llers (2009) filmeak osatzen du. Eta berehala, 00:30etan hain zuzen ere, Cementerio de Historias (2009), Svarmoder (2009) eta Bloody Hands/Veriset Kä­det (2009) interneterako es­preski gauzatu dituzten sailak aurkeztu dituzte. Ostean, Bel­durrezko Astearen bigarren animea ikusi ahal izango dugu, ordu horietan indarrean bagabiltza, behinik behin: Masa­yuka eta Kazuya Tsurumakik egindako Evangelion: 2.0-You Can (Not) Advance /Evange­rion Shin Gekijôban: Ha (2009), Evan­gelion saga famatuaren bigarren zatia, hain zuzen ere. Victoria Eugenia Antzo­kian soilik filme bat pro­gra­matu dute Donostia Kul­turakoek: Tommy Wirkola zuzendari norvegiarraren Dead Snow (2009) filmea, baina jatorrizko bertsioan eta euskarazko azpitituluekin, hain zuzen ere.