Adineko pertsonak zaintzen ikasteko kurtsoa doan, azaroa eta abenduan

lahar Eskuhartze Soziale­rako Elkarteak, adineko pertsonen jarrera arazoak ezagutzeko eta aurre egiten ikasteko kurtsoa antolatu du. Inte­resa du­en edonorentzat dago zu­zendua ikastaroa: gerontologiako langileentzat, adineko pertsonak etxean dituzten senitartekoentzat, ikasleentzat, boluntarioentzat... Dipu­ta­zioaren diru-laguntza izango du ikastaroak eta dohainik izango da. Kurtsoa azaroaren 25ean hasiko da, asteazkenean, eta bost eguneko iraupena izango du: azaroan, 25, 26 eta 27an izango dira klaseak, eta abenduan, 2 eta 4an. Ongin­tzan izango dira eta ordutegiari dagokionean, arra­tsaldeko 17:00etatik 20:00e­tara. Irakaslea, Or­baiz For­moso psikologoa izango da. Gehienez, 20 ikasleren­tzako izango da lekua. Izena emateko telefono honetara deitu behar da, 663 057 223, edo helbide honetara idatzi, formakun­tza@laharelkargoa.org.

Helburuak: jarrerak ulertzea eta arazoei aurre egiten ikastea
Ikastaro honek bi helburu di­tu, batez ere: jokaeretan oinarritutako marko teorikoa sor­tzea, adineko zenbait pertsonen jarrerak uler­tzeko; eta be­rauen ja­rrera arazoek sor­tzen dituzten egoera korapilatsuei nola aurre egin ira­kastea.

Programak lau puntu
Ikastaroan lau gai landuko di­ra: dementzia, giza portaera, arazoen aurrean eman beharreko pausoak eta sortu dai­tezkeen beste egoera ko­ra­pilatsuei nola aurre egin.

Metodologia aktiboa eta parte hartzailea
Ikastaroa aktiboa eta parte har­tzailea izango da. Horre­ta­rako erabiliko duten metodo­lo­gia honakoa da: arlo ez­ber­dinetako ideia, kontzeptu eta ezagutzaren informazioa eta transmisioa emango da; kasu praktikoen analisiak eta eztabaidak egingo dira; inplikazioa sustatuko da, iradokizun, zalantza eta es­perientziak azalduz; ekin­tza zehatzak landuko dira; eta zenbait euskarri didaktiko erabiliko dira.