‘El samurai sin nombre’ animea, ‘Grace’ eta ‘Taxandria’ aipagarrienak gaur

Arratsaldeko bostetan Antzo­ki Zaharreko emanaldiari hasiera emango diote hiru laburmetraiek: Sophie Laguësen ´Barbee Butcher` (2008), Vinciane Millereau­ren ´Barbie Girls`(2009) eta Nacho Vigalondoren (Los Cro­no­crímenes) azken lanak: ´Marisa`(2009).  Ostean, aurten programatu duten lehenengo animea izango da ikusgai: ´Sword of the stranger/El samurai sin nombre` Masahiro Andôk 2007an zuzendutako marrazki bizidunetako luzemetrai hori marrazki fin eta sentsibilitatez betetako filma dela esan digu Jose Luis Rebordi­nosek. Ostean, Anthony DiBlasik aurten zuzendutako ´Dread` ikusi ahal izango dugu.

Gaueko emanaldia
Gaueko emanaldiari, aldiz, 22:30tan emango diote hasiera, bi laburmetraiekin :Tho­mas Oberlies eta Mattias Vo­gel-ek iaz zuzendutako ´Ar­beit für alle` laburmetrai alemaniarra eta Pierre Mous­quet, Marc- Antoine Dele­plan­que eta Seynave Hubert -ek iaz ere zuzendutako ´Touch­dawn Of The Dead`. Egitaraua bi luzemetraiekin osatuko dute Donostia Kultu­rakoek: ´Gra­ce` Paul Soleten filme gomendagarria eta ´Ka­mi­ka­ze 1999-El último combate (1983) Luc Bessonen klasikoa. Azkenik, eta ´Metal Hur­lant eta zinema fantastikoa` sailean (Besson­ena ere sail horretan kokatua dago) filme bat besterik ez dute emango Victoria Eugenia Antzokian, eta da Raoul Gervais-ek 1994an zuzendutako ´Taxan­dria` film ikusgarria