kezkatuta daude Osiñaga auzoko bizilagunak Abiadura Haundiko Trena auzotik pasatzen bada, izango duen eragina dela eta. Horri buruz hitz egiteko bilera egin zuten atzo Arriatsun. Mapak mahai gainean zabalduta, proiektuaren eraginak neurtzen aritu ziren eta auzo mailan egin beharrekoez hitz egiten.
Alegazioak hilaren 6rako
AHTaren proiektua jaso du Hernaniko Udalak eta hilaren 6ra arte dute epea herritarrek, iradokizunak eta alegazioak egiteko. Bizilagunak bat zetozen proiektuarekin ados ez daudela adierazteko. Horrez gain, egingo balitz, eskatu beharreko gutxienekoak zehazten aritu ziren.