hernaniko Udalak Aniztasuna eta elkarbizitzari buruzko hausnarketa prozesua jarri nahi du abian. Horretarako, diagnosia eta hausnarketa prozesua egin nahi ditu, besteak beste. Etorkinen kopurua gero eta haundiagoa da eta baita bere eragina ere; horretaz jabetuta, gaia jorratzea erabaki du Udalak.
Bi lan ildo
Prozesuak bi atal nagusi izango ditu: batetik, diagnosi kuantitatiboa egingo da herrian, mapa erreala osatzeko. Bestetik, sentsibilizazio jardunaldia antolatuko dute osatutako mapa erakusteko eta hausnarketa bultzatzeko herritarren artean.
Migrazioen
eragina
Azterketa Anitzak elkarteak egingo du. Udala, herritarrak eta beste hainbat eragile jabetuta dira migrazio fluxuek eragina dutela politikan, gizartean, ekonomian, hizkuntzan eta kultur espazio askotan, besteak beste. Eta eragiten jarraituko duela adierazu dute. Horregatik, gaiaren kudeaketa gizarte eta administrazio guztien erronka bilakatu da. Honenbestez, Udalak erronkari heldu nahi izan dio.
Lehendabiziko pausua
Egitasmoaren bultzatzaileek adierazi dute lehenengo pausoa izango dela prozesuaren helburuak Hernaniko gizarte eragile desberdinekin konpartitzea. Hortik aurrera, hurrengo lau hilabeteetan, hausnarketa jarriko dute martxan herritarren artean.