Mendizale Astea azaroan izango da eta umeena izango da lehenengo eguna

aurten ere ez du hutsik egin­go Mendiriz Mendi el­kar­teak antolatu ohi duen Men­dizale Asteak. Azaroa­ren 6an hasi eta 15era bitarte, 7 egunez ekintza ugariz go­za­tzeko aukera izango da. Mendizale Asteko ibilbi­de­ari ume­ek ekingo diote, be­rai­entzako prestatu baitute lehenengo eguna. Domina ba­na­tzea eta jai berezia egingo da Biteri kultur etxean 19:30e­tan hasita. Txontxon­giloak ikusteko aukera izango da, Rosa, ipuin bat kantaidazu izenekoa.

Argazkiak eta proiekzioak
Umeen egunaren ondoren, azaroaren 9an, astelehenean, berrekingo zaio Mendizale Astearen ibilbideari. Los otros Gasherbrums izeneko di­a­porama eskainiko du Juan Vallejok. Gasherbru­men zirkoa, Karakorum inguruko mendi-multzorik ezagunenetariko bat da, eta bertako G-IV eta G-II mendien eskaladak izango dira protagonista. Azaroaren 10ean, asteartean, An­gel Martinezen eta Kol­do Alavaren bil­duma ikusteko aukera izan­go da: Cañones y ba­rrancos de Euskal Herria. Bilduma hori Eus­kal He­rriko zintzur eta haitzarte ga­rran­tzitsuenen hurbilpen bat da. Azaroaren 11n, M.A. Otsoa de Alda eta I. Diaz de Garaio Legazpiko argazkilariek Suitza, haranak eta mendiak lanaren bidez, bertako kontrastez beteriko paisaia azalduko dute. Hurrengo egunean, herritarrek egindako zenbait proiekzio ikusteko aukera izango da.

Argazki lehiaketako sari banaketa
Azaroaren 13rako, ostiralerako, argazki lehiaketa an­to­la­tu dute, aurten 30garrena. Bertan, argazki di­gitalen aurkezpena eta sari ba­naketa izango dira. Ho­ne­kin batera, Elkarteak proi­ek­zioa eskainiko du, urtean zehar egindako irteeretako argazki bildumari buruzkoa. Proiek­zio guztiak Biterin izango dira 19:30etan.

Bukatzeko mendi irteera
Egun bateko atsedenaren on­doren, aza­roaren 15ean, bazkide egu­na izango da eta Men­di as­teko ibil­bi­dea bukatzeko, men­­di irteera izango da Mar­kina-Santa Eu­fe­mia 704m-Ziortza­ra (Urregarai).

Ikastaroa atzeratu
Azken orduko arazoak direla eta, Mendiriz Mendiko ikastaroa atzeratu egingo dutela jakinarazi dute. Datak zehaztean jakinaraziko dute.

EGITARAUA:

Proiekzio guztiak Biterin, 19:30etan.
Azaroak 6, ostirala.  Umeen eguna, ‘Rosa, ipuin bat kontaidazu’.
Azaroak 9, astelehena.
‘Los otros Gasherbrums’.
Azaroak 10, asteartea.
‘Cañones y barrancos de Euskal Herria’.
Azaroak 11, asteazkena.
‘Suitza, haranak eta
mendiak’.
Azaroak 12, osteguna. Herritarrek egindako proiekzioak.
Azaroak 13, ostirala.
‘XXX. Argazki lehiaketa’.
Azaroak 15, igandea. Bazkideen eguna, mendi
irteera.