Gotzon Huegunek marmol txurizko lapida bat egin du, berpizkundea irudikatzen duena

GOTZON Huegun hernania­rrak lapida bat egin berri du, zehazki, lapida baten frontisa egin du. Obra mar­mol txuriz dago egina, eta enkarguz jaso zuen eskaera.

Berpizkundea irudikatzen duen lapida
Lapida egiteko eskatu zion pertsonak berpizkundea iru­dika­tuko zuen obra nahi zuen, eta Victor Goikoe­txe­aren bitartez iritsi zen Gotzon Huegunengana.
Lapida egiteko garaian ikus­ten aritu ziren Errenazi­men­duko, Barrokoko eta Manie­­rismoko lanak. Azke­nean, ardatz hartu zuten El Greco aristaren El entierro del Conde de Orgazen pinturako zati bat. Hortaz, lapida maisulan baten errepro­duk­zioa da. Huegun eskultoreak egin­dako lanak dituen neurriak ondorengoak dira: 2 metroko altuera, 1,20 me­tro­ko zabalera eta 25 zentime­troko lodiera; eta 2.500 kilo pisatzen du.
Huegunek hiru hilabete behar izan ditu Lapida egiteko eta egunean be­de­ratzi-hamar ordu aritu da lanean.

Marmol txuriz egina
Lapida egiteko erabilitako materiala marmol txuria da. Eskultoreak adierazita­koa­ren arabera, lehendik ere ari­tua da marmolarekin lanean, baina beti marmol beltza­rekin: «marmol txuria oso fina da, bukaera ona du eta oso xamurra da; definizio oso ona duen marmola da».

Bizilagunei eskerrak
Bestalde, Gotzon Huegunek es­kerrak eman nahi izan dizkie bi­zilagunei, obra egin bitartean soi­nu eta hauts asko atera baitu. yy