Herria hobeto ezagutzeko eta ulertzeko historiara jotzea ona izaten da. Baina hortaz aparte, norberarentzat ere erakargarria izaten da bere herrian bera oraindik jaiotzeko egonik, zer gertatu zen jakitea. Kronikan, zenbait gertakari argitaratuko dira hemendik aurrera, baina informazio gehiagoren gose den edozeinek Udaleko artxiboetara joatea besterik ez du barne jakinmina asetzera.
Joxe Garinek lan haundia du egina artxiboetan
Joxe Garin hernaniarrak artxiboetan egindako lanari esker, 40garren hamarkada bukaerako berrietatik hasi eta 1986 urtera arteko gertakariak ezagutu daitezke. Batik bat, Galdeanok El Diario Vascon idatzitako kronikak dira, baina La Voz de Españako beste batzuk ere badira, besteak beste. Artxiboetan, ordea, 1986tik 1996ra bitartean hutsune haundia dago. 1996 urtean, Txuso sartu zenean, heldu zitzaion berriro ere informazioa biltzeko lan horri. Dena dela, Txusok Kronikari azaldu dionez, serio, jarraipen zehatza egiten ere, ez ziren 1999-2000garren urtera arte hasi. Ordutik, udalak erosten dituen 8 egunkarietatik lortutako artikulu guztiak gordetzen dituzte.