GIPUZKOAKO pelota txapelketa aurrera doa, eta gaurkoan hiru partidu izango dituzte Hernaniko pelotariek. Kadete mailan, eskuz binaka, Erniopek Urkizu eta Murgiondoren kontra jokatuko du, gaur, arratsaldeko 16:00etan hasita, Adunan. Eskuz banaka berriz, baina jubenil mailan, Usurbilen kontra jokatuko du Markel Lizeagak. Partidua Usurbilen izango da, gaur, goizeko 10:30etan hasita. Azkenik, paletan ibiltzen diren neskek, Urdangarin eta Semperrek, Ramuntxoren kontra jokatuko dute. Partidua Hernanin izango da, gaur, arratsaldeko 15:00etan hasita.
Emakumea Pelotariko 3 partidu
kiroldegian
Gaur aurreneko eta bigarren mailako partiduak izango dituzte, Emakumea Pelotari txapelketan jokatzen duten pelotariek. Partiduak Hernaniko kiroldegiko frontoian izango dira, gaur arratsaldeko 16:00etatik aurrera, eta ondorengoak izango dira: Ezenarro-Arrizabalaga/Garazi Jauregi-Lendinez; Garbiñe Tijero-Ezkurdia/Dominguez-Nagore Zabala; eta Fernandez-Goiatz Manzisidor/Etxegia-Arozena.