alkatea kargutik kentzeko eskaera aztertzeko Giza Eskubideen Batzordea bildu zen ostegunean udaletxean. Udal alderdi politikoek adierazi zuten eskaera egiteko erabilitako txostena zehaztu egin behar dela, bertan adierazitakoak ez baitaude argi, ez zer esan nahi duten, ez zertan oinarritzen diren.
Gaiaren garrantziaz jabetuta, alderdiek zehaztasun eta informazio gehiago eskatu zuten. Udal Gobernu Taldea ere eskatzearen alde azaldu zen, nahiz eta, Marian Beitialarrangoitia Alkatearen esanetan, beren «irakurketa propioa egina izan».
Eusko Jaurlaritzari eta Diputazioari ere txostenak eskatuko dizkiote
Hamaikabatek eskaera iritsi zenean eskatu bezala, Udal talde guztiak ados azaldu ziren, eskatutako zehaztasunak jaso ondoren, Eusko Jaurlaritzako eta Diputazioko adituei txosten teknikoak eskatzeko.
Alkatea kargutik
kentzeko eskaera
Duela hiru aste Espainiako Justizia Ministroak Francisco Caamañok adierazi zuen Henaniko Udalak Marian Beitialarrangoitia Alkatea bere kargutik kendu behar zuela, bere garaian egindako akusazio batzuk medio.
Eskaera urriaren 7an iritsi zen Hernaniko Udalera, Eusko Autonomia Erkidegoko Espainiako Gobernu Delegatua Mikel Cabiecesen bidez.
Udala eskaera aztertzen ari da, eta horretarako, hainbat erakunderi beren aholkua eskatu die, gaiaren larritasuna kontuan izanda.