duela urtebete ingurutik, urgentziako mediku zerbitzurik gabe daude Goizueta eta Aranon eta urte guzti honetan Osasunbiderekin, Nafarroako osasun zerbitzuarekin, makina bat bilera egin ondoren, abuztuaren 31n hobetsi zen Tolosan, Osakidetzan lan egiten zuen mediku bat kontratatzea. Mediku horrek, ordea, astegunez, astelehenetik ostiralera, egingo luke lan eta asteburutako zerbitzurik ez luke emango. Horretarako, Hernanin lan egiten duen mediku goizuetarrak bere burua eskaini du ahal duen asteburutan edo jaiegunetan lan egiteko. Hala moldatuko lirateke hemendik aurrera Goizueta eta Aranon.
Biak boluntarioak
Aurreko medikuak hutsik utzi zuen postua betetzeko boluntario aurkeztu zen Tolosan lan egiten duen medikua. Goizueta eta Aranon astegunez urgentziako mediku zerbitzua emateko bere burua eskaini zuen.
Asteburuetako zerbitzuaren hutsunea betetzeko, berriz, Joxe Javier Etxeberria goizuetarrak eskaini zuen bere burua. Etxeberriak Hernanin egiten du lan, Hernaniko medikua da berez, eta ahal duen asteburu eta jeiegunetan beteko du urgentziako medikuaren lekua. Orain arte ere askotan jo izan dute beregana herritarrek.