atez ateko zabor bilketa jarriko da laister Hernanin. Aurreko hilabeteetan Udalak bilerak egingo ditu zonaldeka eta sektoreka, besteak beste. Herenegun egin zuten lehenengo bilera, besteak beste, Marian Beitialarrangoitia Alkatea ere bertan zela, Udal ordezkari, Usurbilgo ordezkari eta gaian adituak diren pertsonekin. Bileran batez ere atez ateko zabor bilketa sistema zergatik aukeratu duten adierazi zuten. Xehetasunak aurrerantzean egingo diren bileretan emango dituztela adierazi zuten.
Merkeena, osasuntsuena eta birziklatze haundiena bermatzen dituena
Atzoko bileran batez ere, atez ateko zabor bilketa zergatik jarriko den adierazi zuten. Horretarako, beste aukerak zergatik ez egin adierazi zuten. Zabortegien eta erraustegien desabantailak aipatu zituzten. Eta adirazi zutenez, ez dago sistemarik atez ateko bilketak adinako berrerabiltze emaitza onik duenik. Gainera, adierazi zuten kontuak eginda, atez atekoa ez dela beste sistemak baino ga-restiagoa. Osasunari kalte gutxien egiten diona ere bera dela adierazi zuten.
Zonaldeka eta sektorekako bilerak
Udalak 20 bilera inguru egingo ditu datozen asteetan, sektoreka eta auzoka, esate baterako, herritarrei sistemaren nondik norakoak azaltzeko.
Datorren astean, astelehenean, Sandiusterrin bilduko dira Santa Barbara eta Lizeaga auzoetako bizilagunak, 19:30etan.