gaur goizeko 10:00etatik aurrera, GI-3401 errepidean, hau da, Oriamendirako errepidean, karril bat estutuko dute Donostiako bigarren zinturoiko lanak direla eta, Bide Azpiegituretako Departamenduak jakinarazi duenez. Estutzea Galarretako biribilgunetik Ospitaleetara igotzeko hasierako zatian izango da eta horri esker egingo dituzte urte hasieratik izan den desbideraketa kentzeko, egin behar diren azken lanak. Karrila estutzeak urriaren 30era arte, datorren ostiralera arte iraungo du.
Karrila estutu beharra
errepideak ohiko ibilbidea berreskuratzeko
Urte hasieratik izan den desbideraketari esker, tunel artifizial bat eraiki dute, bigarren zinturoiaren enborra GI-3401 errepidearen azpitik pasa dadin. Hori GI-3401 errepideak bere ohiko ibilbidea berreskuratzen duenean izango da eta horretarako, Donostiarako karrila estutu beharra dago orain desbideratua dagoen zatian. Bide Azpiegituretako Departamenduaren esanetan, «horrela bakarrik egin ahal izango dituzte azen lanak, hau da, azken hilabeteotan itxita egon den zatiaren aglomeratu eta berregokitzekoak, langile eta erabiltzaileentzako segurtasun baldintza egokietan».
Metro erdia estutu
Donostiarako norabidean doan karrila bakarrik estutuko dute, GI-3401 errepideko 0,130 eta 0,330 kilometro puntuen arteko zatian eta karril horren zabalera 3,5 metrotik 3 metrora estutuko da.